Veto ni Rama wa ma-override sa konseho
CEBU, Philippines - Pakyas ang mayoriya sa konseho sa Dakbayan sa Sugbo sa pag-override sa veto ni Mayor Michael Rama sa ordinansa sa moratorium sa demolisyon sa tanang luna.
Kini human wala makuha ang 2/3 votes nga maka-override sa veto sa mayor.
Ang nangamahan sa ordinansahon nga si Konsehal Alvin Dizon nipadayag nga iya’ng sentro ang kaayuhan sa mga biktima sa demolisyon nga dili mahatagan og sakto nga relokasyon.
Matud ni Dizon nga ang ordinansahon maghatag og panahon sa kagamhanan sa pagpangita og kabalhinan sa mga residente subay sa Republic Act 7279.
Si Konsehal Dave Tumulak nga kaalyado ni Rama nipabor sa ordinansahon sa pagtuo nga wala nabantayi sa mayor ang Section 4 nga mapadayon ang demolisyon kung klaro na ang kabalhinan ug makonsulta na ang mga hingtungdan. (BANAT NEWS)
- Latest
