Angtud di na mo-courtesy call ni Davide

CEBU, Philippines – Nilingkod na sa katungdanan niadto’ng Lunes ang bag-ong Cebu Provincial Schools Division Superintendent nga si Dr. Rhea Mar Angtud bisan gibalibaran kini ni Gobernador Hilario Davide III.

Si Angtud dili na mo-courtesy call kang Davide human siya gibalibaran sa una niya’ng courtesy call sa niagi’ng buwan.

Nanghinaut si Angtud kinsa kanhi Cebu City Schools Division Superintendent nga mohatag og pagsalig kaniya si Davide sama sa pagsalig niini ngadto sa iya’ng gihulipan nga si Dr. Arden Monisit kinsa gibalhin sa Mandaue City Schools Division subay sa kamanduan ni Education Secretary Armin Luistro.

“I’m not new to this division. I was assistant superintendent when I was here. Most of the people who knew me, knew me how I work. Dunay mga tawo nga sometimes dili gusto og change, ako lang hangyo nila kung wala pa sila kaila nako then they better know me,” matud ni Angtud.

Gipasalig ni Angtud nga patas siya sa pagdumala sa buhatan ug buot usab siya nga ang iya’ng mga kauban sa trabaho matinud-anon. – /GMR) (BANAT NEWS)