CEBU, Philippines - Ang Philippine Atmospheric, Geophysical and Astronomical Services Administration kon PAGASA planong magbutang og Doppler Radar sa Bohol, Busuanga sa Probinsya sa Palawan sa mosunod nga tuig 2017.
Nagkanayon si Jhomer Eclarino, Weather Specialist 1 sa PAGASA nga pinaagi sa maong modernong radar mas mamahimong sakto ang ilang pagbanabana sa lakaw sa panahon itandi nga wala niining mga kahimanan.
“Kung matuloy ang proposal sa Bohol, by 2017, that is mga back-up natin sa Visayas at Mindanao,” matud ni Eclarino kagahapon.
Matud pa ni Eclarino nga kung mahitabo nga mangaguba ang mga kasamtangang radar diha sa Mactan o ba kaha kadtong atoa sa Mindanao karon, dili mabutahan ang Pagasa pag-monitor sa panahon kun anaa na ang instalasyon diha sa Bohol ug Palawan.
Sa pagkakaron, adunay operational nga Doppler radar ang Pagasa sa Guian, Eastern Samar, Cebu ug Quezon (probinsya sa Palawan). Doppler radar sa Guian nabalik na ang operasyon human kini nagusbat pag-igo sa bagyong Yolanda niadtong 2013. Gipahibalo ni Eclarino nga aduna pay duha hangtud sa tulo ka mga bagyo nga posibleng mosulod sa nasud karong tuiga.
“Ang metro Cebu, sunny period ug makasinati ta og hinay nga pag-uwan ug kalit nga mga rain showers, matud ni Eclarino. (Christell Fatima Tudtud/EIM)(BANAT NEWS)