CEBU, Philippines - Ipahigayun sa Nobiyembre 23, adlaw’ng Lunes, ang dry-run sa rota sa International Eucharistic Congress (IEC) 2016.
Gibutyag ni Auxiliary Bishop Dennis Villarojo, secretary-general sa 51st IEC, nga 20 ka buses ang ila’ng padaganon sa mga rota aron sa pagsuta kung unsa’y epekto niini ilabi na sa adlaw sa tingklase ug tingtrabaho.
Ang dry-run usa lang sa kalihukan isip pagpangandam sa dili pa ang IEC karong Enero 2016.
Karong Nobiyembre 21 ipahigayon usab ang turn-over sa IEC Pavillion gikan sa Duros Construction ngadto na sa kadagkuan sa Archdiocese diin usa ka Santos nga Misa ang ipahigayon.
Sumala pa ni Villarojo nga sa Nobiyembre 22 ipahigayon usab ang kalihukan sa Christ the King diin lahi sa naandan nga adunay prosesyon nga ipahigayon, karon wala’y prosesyon kung dili deretso lang sa Santos nga Misa sulod sa IEC Pavillion diin bukas kini sa publiko ug aron usab masayran kung unsa’y epekto niini kung daghan ang tawo nga naa sa lugar. (Rowena D. Capistrano/GMR)(BANAT NEWS)