Laing linog mitay-og sa Sugbo
CEBU, Philippines – Laing pagtay-og na usab ang nasinati dinhi sa Sugbo kagahapon sa kaadlawon nga naggikan duol gihapon sa epicenter sa nasinating linog niadtong Domingo sa gabii sa dakbayan sa Danao.
Natala ang epicenter sa ala 1:05 kagahapon sa kaadlawon sa 47 kilometros Northeast sa dakbayan sa Sugbo.
Pipila ka kilometro usab kini sa epicenter sa linog nga nabatyagan sa mga Sugbuanon niadtong Domingo sa gabii.
Ang linog kagahapon sa kaadlawon anaa sa 3.5 magnitude ug nabatyagan gikan sa gilawmon nga 19 kilometers ug tectonic usab ang origin niini
Hinuon gisalikway ni Rolando Montañes, Science Research Specialist sa Phivolcs nga konektado ang duha ka linog tungod kay lahi ang fault line nga milihok gahapon.
Nasuta nga intensity 2 ang nasinati sa Cebu City, Mandaue City, Lapu-Lapu City ug ubang bahin sa amihanang probinsiya sa Sugbo.
Gipasabot ni Montañes nga sa tibuok nasud, kada adlaw gyud duna silay matala nga pagtay-og susama niini.
Sumala pa niya, moabot usahay og 20 ka susamang hinay nga linog ang ilang matala kada adlaw maong gipahimangnoan nila ang publiko nga mangandam kanunay. – /EIM) (BANAT NEWS)
- Latest
