CEBU, Philippines – Bisan og wala’y nahitabo nga insidente sa “tanim bala” sa Mactan Cebu International Airport, si Gobernador Hilario Davide III motuki sa mao’ng isyu atol sa tigum sa MCIA Authority Board.
Si Davide nanghinaut nga wala’y susama’ng insidente sa MCIA ug ang nahitabo sa Ninoy Aquino International Airport (NAIA) kinahanglan maimbestigar.
Matud ni Davide nga kinahanglang mahunong kini nga binuang kinsa ang mga biktima mga inosente nga tawo.
Dugang ni Davide nga sa mao’ng binuang maapektuhan usab ang turismo kung ang mabiktima mga turista.
Niining ulahi lang, adunay mga nireklamo nga nabiktima sa “laglag bala” ug “tanim bala” sa NAIA diin ang ilang mga bagahe makita diha sa X-ray machine sa airport nga adunay mga bala nga sulod. – /GMR) (BANAT NEWS)