Reenactment sa Chinese shootings gihimo
CEBU, Philippines – Usa ka joint reenactment ang gihimo sa Police Regional Office(PRO)-7 ug Cebu City Police Office(CCPO) ug Criminal Investigation Detection Group(CIDG)-7 kagahapon sa buntag labot sa nahitabong pagpusil niadtong Chinese Consul General ug duha ka Chinese Consular Officers diha sa sud sa Lighthouse Restaurant.
Matud ni Senior Superintendent Rey Lyndon Lawas, Chief of Staff sa PRO-7 gihimo ang reenactment subay na usab sa direktiba sa ilang labaw nga si Chief Superintendent Prudencio Tom Bañas.
Tumong niini aron pag-establisar kun unsa gyud ang nahitabo ug dili lang magbase sa unsay gisulti sa mga saksi ug sa mga mirespondeng mga pulis. Pinaagi usab sa maong reenactment makita nila ang mga gagmay’ng detalye nga wala maestablisar sa imbestigasyon.
Gawas sa reenactment nagpahigayon usab og debriefing ug critic session aron makita kun unsa ang mga maayong nahimo sa mga imbestigador ug mga responding officers lakip na usab sa pagdeteminar sa mga sayop nga nahimo.
Dili gusto sa PRO-7 nga ang kapolisan adunay basulay nga mahitabo ug aron usab mapahiluna ang imbestigasyon.
Nakita sa opisyal nga ang kakuwang sa simulation exercise labot sa mga ingon niining panghitabo.
“Our recommendation to our regional director is to come up sa simulation exercise para ma-harmonize ni nato tanan,” dugang ni Lawas.
Gusto usab ni Lawas nga tukion pagbalik sa FESAGGS ug mga security agencies ang pagpalambo sa kalidad sa ilang pagbantay. (/EIM) (BANAT NEWS)
- Latest
