Illegal fishing P1M-P45M na ang multa
CEBU, Philippines – Giawhag ang lokal nga kagamhanan nga mopatuman sa bag-ong Fishery Laws aron epektibong maprotektahan ang kadagatan batok sa illegal nga pagpangisda.
Si Atty. Froilan Pitpit sa BFAR central office legal division nagkanayon nga kinahanglan dungan ang lokal ug nasudnong mga balaod aron mas epektibo ang implimentasyon sa Republic Act 10654, ang balaod nga nag-amenda sa Philippine Fisheries Code of 1998.
Napasar ang amendatory law niadtong Pebrero 27 samtang ang implementing rules and regulations (IRR) niini hingpit nga gipatuman sugod niadtong Oktubre 10.
Gipinahan usab ang mga commercial fishing operators nga patas-an na ang multa sa mga masakpang nalambigit sa illegal fishing.
Di momenus P1 milyon ngadto sa P45 milyones na ang multa alang sa mga commercial fishing violators ug apilon sa kasohan ang mga tag-iya sa panagatan, kapitan ug laing tulo ka opisyal sa maong barko.
Sumala ni Pitpit nga gipadak-an ang multa aron magmatngon ang mga mananagat tungod sa kadako sa kadaot sa ilegal nga matang sa panagat diha sa kadagatan. Kahinumdoman nga sa Philippine Fisheries Code, P5,000 ngadto P20,000 lang ang multa bisan unsa pa kadako sa kadaot nga namugna sa panagatan. Wala say probisyon niini nga prisuhon ang mga malapason.
“The very purpose of the law is to ensure the protection of environment particularly the aquatic resources and promote sustainability. So people who intend to destroy our resources will have second thought because of the penalties,” sigun pa niya. “There’s resistance but its normal. The law may be harsh but it’s still the law,” matud niya. – /EIM) (BANAT NEWS)
- Latest
