Tinudlo ni Sonny moatbang kaniya
CEBU, Philippines - Ikaatbang ni Toledo City Mayor Sonny Osmeña sa umaabot eleksiyon ang iya’ng gitudlo nga konsehal.
Si Konsehal James Yared Gaite ug Bise Mayor Antonio Yapha Jr. ang magpares ubos sa Liberal Party
Ila’ng kandidato sa pagka-konsehal ang mga kapitan ug mga konsehal sa barangay.
Matud ni Gaite nga gipili niya ang mga kapitan sa barangay ug konsehal nga parti sa iya’ng line up tungod kay gusto niya nga maatiman ang mga problema nga magsugod gyud sa kabarangayan. Samtang gipasabot ni Gaite nga kung wala’y moatbang kang Osmeña, gihikawan ang katawhan sa pagpili.
“With the interest of the people and the party in mind, I consented to run maski linghod pa ta sa government service but dugay na ta sa public service pinaagi sa atong medical foundation nga nagahatag og charity service sa mga kabus sa sulod sa 10 years,” matud ni Gaite. (BANAT NEWS)
- Latest
