Duha sikop sa tigbakay

CEBU, Philippines – Nadakpan ang duha ka tawo kauban sa nagtapok nga mga sugarol nga nagtigbakay sa Zone Ube, Paknaan, dakbayan sa Mandaue alas 3 pasado sa hapon sa niagi’ng adlaw.

Si Police Officer 2 Glenn Sollano sa Presinto 3 sa Mandaue City Police Office (MCPO) niila sa duha nga nadakpan nga sila si Eugenio Giba, 64, ug Fabian Melenio, 50, pulos nagpuyo sa mao’ng dapit.

Si Sollano niingon nga nalingaw ang nagtapok nga mga lalaki sa gitari nga duha ka manok apan diha’ng nahidangat ang kapolisan sa mao’ng lugar naglumba kini sa pagpanagan pahilayo.

Ang duha nga wala nakalihok sa ila’ng nahimuta-ngan ang nadakpan hinungdan sa pagkabalhog sulod sa detention cell. – /GMR) (BANAT NEWS)