CEBU, Philippines – Gisupak sa kadaghanan ang subli’ng pagduso sa Anti-Corporal Punishment Ordinance sa dakbayan sa Sugbo.
Kini tungod kay apil sa silutan ang mga ginikanan subay sa ordinansahon nga giduso ni Konsehal Gerry Carillo.
Atol sa public hearing, ang mga nisupak mao ang mga ginikanan tungod kay dili kini mao ang sakto nga pagdisiplina sa ila’ng mga anak. Partikular nga nisupak ang kapunungan sa mga private schools sa dakbayan apan pabor ang Federation of Parents and Teachers Associations.
Nunot niini nagplano si Carillo nga tangtangon ang silot batok sa mga ginikanan nga modagmal sa ila’ng anak human madungog ang ila’ng habig. Ang ordinansa naaprobahan na sa konseho apan gi-veto ni Mayor Michael Rama ug subli na usab kini nga giduso sa konseho. – /GMR) (BANAT NEWS)