LRT gikinahanglan na sa sugbo
CEBU, Philippines – Panahon na nga adunay Light Rail Transit sa Sugbo gumikan sa kakuwang sa karsada sumala pa sa transportation scientist nga si Rene Santiago kinsa presidente of Bellweather Advisory.
Atol sa 11th International Conference of Eastern Asia Society for Transportation Studies, si Santiago sa iya’ng presentation nagkanayon nga daghan na nga suway nga pagpatuman sa LRT sa Sugbo apan wala nadayun.
Matud ni Santiago nga gikinahanglan na ang LRT sa Sugbo sa dili pa mahisama ang krisis sa trapiko sa Metro Manila.
Iya’ng gisugyot ang LRT line nga magsumpay sa Talisay City sa habagatan ug Consolacion sa amihanan.
Sumala ni Santiago nga wala’y nadani sa pre-feasibility study sa LRT sa Sugbo nga gihimo sa Department of Transportation and Communications ug probinsiya sa Sugbo naidto’ng 1993 ug ang Monorail System sa 1998.
Laing unsolicited proposal sa AMA sa 2009 alang sa 19 kilometros nga Cebu LRT gikan sa Tabunok, Talisay City paingon sa Mandaue City.
Matud ni Santiago nga ang P2.7 bilyones nga proyekto wala kakuha og pagtugot sa DOTC ug gibasura sa kagamhanan sa dakbayan sa Sugbo sa samang tuig pabor sa Bus Rapid Transit.
Ang paglakip sa Cebu LRT sa Public-Private Partnership portfolio giduso ni Kongresista Gerard Anthony Gullas niadto’ng Septiyembre 2013 apan matud ni Santiago gibaliwala kini sa DOTC ug sa PPP Center. (Gikan sa The Freeman/GMR)
- Latest
