CEBU, Philippines - Wala na’y kinabuhi nga nadiskubrehan ang 33-anyos nga babaye nga naghikog sulod sa banyo sa ila’ng balay sa sitio Ka Isid, Marigondon, dakbayan sa Lapu-Lapu kagahapon sa buntag.
Si Mary Anne Setenta naabtan na lang sa iya’ng bana nga si Gino nga wala na’y kinabuhi alas 6 sa buntag sa diha’ng niadto kini sa pansayan.
Si Gino nga usa ka barber gikan nakig-estorya sa iya’ng kliyente nga nagpatupi apan sa iya’ng pagbalik sa balay, nakaplagan niya nga nagbitay na ang iya’ng asawa.
Matud ni PO2 Joseph Rouel Cutanda, imbestigador sa homicide section sa Lapu-Lapu City Police Office, nga adunay nahitabo’ng panaglalis si Setenta ngadto sa iya’ng bana sa niagi’ng gabii sa Huwebes.
Sa wala pa nahitabo ang insidente, si Setenta nakig-inom sa iya’ng mga amiga diin nakauli kini alas 4 na sa kadlawon.
Nagkanayon si Cutanda nga wala gitagad sa bana si Setenta sa diha’ng nagsuka-suka sa kahubog niadto’ng orasa.
Gitan-aw sa kapolisan nga selos ang hinungdan sa paghikog ni Setenta. (Christell Fatima M. Tudtud/GMR)(BANAT NEWS)