Bonus sa taga City Hall madawat na

CEBU, Philippines – Makadawat na sa bonus sibo sa usa ka buwan nga sweldo ang mga opisyal ug mga kawani sa kagamhanan sa dakbayan sa Sugbo.

Giaprobahan sa konseho ang resolusyon nga giduso ni Konsehal Margarita “Margot” Osmeña, chairman sa committee on budget and finance, alang sa paghatag sa Productivity Enhancement Incentives (PEI).

Gimando sa resolusyon nga kinahanglan madawat sa mga kawani ang bonus sa dili pa ang petsa 15 karong buwana.

Ang executive department niduso og supplemental budget sa kantidad nga P3.32 bilyones diin nalakip ang pagbayad sa utang sa South Road Properties nga P2.4 bilyones ug ang P77.34 milyones nga PEI.

Ang kagamhanan sa dakbayan sa Sugbo adunay 5,000 ka mga kawani. – /GMR) (BANAT NEWS)