CEBU, Philippines - Dinaliang imbestigasyon ang gimando ni Arsobispo Jose Palma ngadto kang Msgr. Vicente Rey Penagonda, ang vicar-general sa Archdiocese of Cebu, may labot sa giingong pagpanapat ni Fr. William Ybañez sa parokya sa Dumanjug parish sa usa ka babaye.
Matud pa ni Palma nga matag higayun nga makadungog siya og isyu may labot sa kaparian, iya dayun hatagan og pagtagad pinaagi sa imbestigasyon.
Sumala pa ni Palma nga nahinabi sa DyRF News ug Banat News atol sa iya’ng pagtambong sa ordination ni Bishop Oscar Florencio nga “immediate” niya’ng gihatag ang tahas ngadto kang Penagonda ilabi na nga may kasinatian kini sa ministry sa kaparian.
Dugang pa ni Palma nga angayan lang imbestigahon aron adunay mopatigbabaw nga hustisya.
Ang Arsobispo nibutyag nga kung unsa ma’y rekomendasyon ni Penagonda, buhaton kini alang sa hustisya. (Rowena D. Capistrano/GMR)(BANAT NEWS)