Mga senior Citizen ug PWD hatagan na
CEBU, Philippines – Ugma na g’yud ipanghatag ang dugang cash assistance ngadto sa mga senior citizens dinhi sa dakbayan sa Sugbo ug sa pagka Biyernes ang hatagan mao na usab ang mga Persons with Disabilities (PWD).
Ang matag usa sa kapin sa 60,000 ka senior citizens dinhi sa dakbayan hatagan og dugang P2 mil samtang ang matag usa sa kapin sa 12,000 ka PWD makadawat usab og dugang ‘tag P1,000.
Mokabat na og P7 mil ang kinatibuk-ang kantidad nga gihatag sa matag senior citizens dinhi sa dakbayan kun madawat na nila ang dugang P2 mil ugmang adlawa.
Kay P12 mil man ang gisaad nga ihatag kanila karong tuiga, nagpasabot nga ang siyudad sa Sugbo kuwang pa og P5 mil nga ihatag hangtud sa buwan sa Desiyembre.
Sukad Enero, ikatulo na kini nga higayon nga ang dakbayan nakahatag og tag P1,000 sa matag PWD dinhi sa dakbayan. Ang nahabilin tag P2 mil na lang.
Ang mga kawani sa City Treasurer’s Office, Department of Social Welfare and Services (DSWS) adto manghatag sa kabarangayan. Ang dili makakolekta sa barangay moadto lang sa City Hall. – /RUB) (BANAT NEWS)
- Latest
