CEBU, Philippines – Giawhag sa Department of Health sa nasud ang mga sakop sa Asia-Pacific Economic Cooperation sa pagpalambo sa himsog ug maayo’ng panglawas.
Matud ni Health Secretary Janette Garin nga ang himsog nga panglawas sa katawhan mahinungdanon sa matag lihok sa katawhan.
Si DOH Undersecretary Kenneth Go usab nagnakayun nga ang APEC nitutok sa isyu sa panglawas sa rehiyon.
Ang DOH ang host sa 5th High-Level Meeting on Health and economy sa dakbayan sa Sugbo sugod kagahapon.
Matud ni Go nga ang Health Working Group (HWG) ug Life Sciences Innovation Forum (LSIF) ang naghan-ay sa plano alang sa “Healthy Asia-Pacific 2020 Initiative.”
Usa sa gitan-aw ang epekto sa ekonomiya ngadto sa panglawas nunot sa ka daghang tawo nga mapugos nalang sa pagretiro og sayo gumikan sa balatian.
Matud ni Garin atol sa Health Ministers Meeting kagahapon nga ang panglawas isipon nga bahandi.
Gipasalig ni Go nga ang 21 ka sakop sa APEC motutok sa isyu pinaagi sa paghingpit sa Policy Toolkit sa mga rekomendasyon aron pagtabang sa gobiyerno ug pribado’ng sektor sa pagpalambo sa panglawas ilabi na sa kababayen-an. (Gikan sa The Freeman/GMR)