CEBU, Philippines - Subli’ng patun-an sa Provincial Planning and Development Office ang gitinguha nga trans-axial project.
Si May Ybañez, executive director sa Cebu Chamber of Commerce and Industry ug chairman sa infrastructure committee sa Provincial Development Council, nagkanayun nga nigawas sa pre-feasibility study nga dili financially feasible ang proyekto.
May lain-lain nga component ang proyekto sama sa highway, eco-zones, reclamation, power plants ug water management diin ang uban giingong dili financially feasible nga ang pasabot wala’y mabalik sa gasto sa kagamhanan. Kini ang hinungdan nga patun-an pagbalik ang economic component sa proyekto ug iduso pag-usab sa komitiba.
Ang trans-axial highway una’ng gitinguha ni anhing bise gobernador Gregorio Sanchez Jr. nga molagbas sa tunga nga bahin sa probinsiya gikan ug paingon sa amihanan ug habagatan. (BANAT NEWS)