Tag P20 mil ihatag sa 11 ka centenarians
CEBU, Philippines – Nigahin ang kagamhanan sa probinsiya sa Sugbo og P220,000 nga ihatag sa 11 ka centenarian sa tag P20,000 matag usa.
Si Bokal Raul “Yayoy” Alcoseba, chairman sa committee on senior citizens, ang niduso og resolusyon alang sa paghatag og pinansiyal nga hinabang sa nahisgutang mga centenarian.
Ang mga centenarian nag-edad og kapin sa 100-anyos giila nga sila si Eusebio Lacostales, 100, taga Pangpang, Barili; Concepcion Villafuerte, 103, taga Poblacion, Barili; Maria De la Paz Gimota, 100, taga Dakit, Barili; Antonio Pasinabo, 100, taga Maigang, Barili.
Consolacion Elladora, 111, taga Capt. Claudio, dakbayan sa Toledo; Nicolasa Biwang, 105, taga Camp 8, Toledo; Tirso Alferez, 104, taga Magdugo, Toledo; Ciriaco Mago, 104, taga Matab-ang, Toledo; Perfecto Jimenez, 103, taga Buanoy, Balamban; Claudio Encabo, 101, taga Manga, Tuburan ug Isedra Estreba, 101, taga lungsod sa Tuburan. – /GMR) (BANAT NEWS)
- Latest
