CEBU, Philippines – Ang mga departamento angaya’ng ipangbalhin sa ubang mga lalawigan aron ang pundo mabahin-bahin dili lang kay didto sa Manila.
Si Senador Alan Peter Cayetano kinsa mitambong sa flag raising kagahapon sa buntag sa Kapitolyo nagkanayon nga hangtud nga ang tanang mga departamento naa ngadto sa Manila ang naa usab sa huna-huna sa gobiyerno magsentro lang ngadto sa Manila.
Gipasabot ni Cayetano nga kung tinguha ang kausaban dili kay “symbolic change” lang ang buhaton.
Matud niya nga pinisik na lang ang maabot ngadto sa ubang lalawigan sa mga pundong gigahin sa nasudnong kagamhanan ngadto sa mga departamento.
Matud usab ni Cayetano nga ang iya’ng rekomendasyon nga ibalhin ang Department of Transportation and Communication (DOTC) ngadto sa Clark sa Angeles City, Pampanga, ang Department of Tourism (DOTC) anhi sa Sugbo ibutang ug ang Department of Environment and Natural Resources (DENR) ibalhin ngadto sa Mindanao.
Ang senador nagkanayon nga ang usa ka porsiyento nga budget nga igahin ngadto sa ubang mga lugar gikan sa national nga kagamhanan equivalent kini sa P30 bilyones.
Matud niya nga 16 porsiyento sa budget maadto sa mga central office ug kung ang mga central offices makatagkatag kini makapahimulos usab sa dakong pundo ang ubang lugar.
Dugang ni Cayetano nga niining panahon karon nga ubos na sa high technology walay rason nga ang tanang mga main office sa mga departamento adto lang kini tanan sa Manila. – /EIM) (BANAT NEWS)