1,400 polis ipakatap atol sa APEC

CEBU, Philippines - Hugot nga seguridad ang ipatuman sa dakbayan sa Sugbo atol sa ipahigayon nga Asian Pacific Economic Cooperation (APEC) Summit  nga sugdan karong Agosto 24.

Matud ni Police Coordinating Advisory Council (PCAC) Chairman Vice Mayor Edgardo Labella nga adunay 1,400 ka polis ang ipakatap aron pagsiguro sa seguridad sa mga delegado nga motambong sa summit.

Dugang pa ni Labella nga mohangyo usab siya kang ABC President Philip Zafra ug Brgy. Tinago Kapitan Joel Garganera aron sabotan ang augmentation sa mga tanod.

Samtang ang acting city police director sa Cebu City Police Office (CCPO) nga si Senior Superintendent Marciano Batiancila gipangayoan sa PCAC sa final presentation niini sa preparasyon sa seguridad aron ilang ipresentar sa Konseho ug kang Mayor Michael Rama.(Sheriza Mae Uy/EIM)(BANAT NEWS)