CEBU, Philippines – Gihangyo sa konseho sa dakbayan sa Sugbo si Mayor Michael Rama nga temporaryo’ng ipahunong ang pagpangguba sa kabalayan palibot sa Doña Pepang Cemetery.
Matud ni Konsehal Alvin Dizon, chairman sa committee on housing, nga wala pa'y igo nga relokasyon nga kabalhinan sa mga apektado’ng residente.
Si Tejero barangay konsehal Garry Lao nagkanayun nga tulo lang ka residente sa Doña Pepang ang nabalhin sa Lorega-San Miguel.
Matud ni Lao ka usa ra sila napahibawo sa plano nga pagguba sa mga panimalay ug wala’y klaro nga public consultation.
Buot ni Lao nga hatagan sa siyudad og klaro nga kabalhinan ang mga residente.
Ang Division for the Welfare of the Urban Poor (DWUP) nipasalig nga may kabalhinan ang mga residente sa Lorega-San Miguel ubos sa housing program sa kagamhanan.
Apan ang mga opisyal sa barangay Lorega nga gipangulohan ni Kapitan Fritzgerald Herrera nipadayag nga dili sila supak sa pagbalhin apan buot sila nga unahon pagpahimutang ang mga biktima sab sa sunog sa ilang barangay. – /GMR) (BANAT NEWS)