CEBU, Philippines – Gipasalig sa Technical Education and Skills Development Authority (TESDA) ang kalampusan sa 242 ka gradwado sa Mandaue City College Technological and Entrepreneurial Skills Training (MCCTEST) Center.
Matud ni TESDA provincial director, Engr. Mark Anthony Ylanan, nga base sa ila’ng impact evaluation study, nasuta nga tanan nila’ng gradwado hingpit nga nakasulod og trabaho ug ang pipila usab niini nagbukas og ila’ng kaugalingong negosyo.
Samtang gihagit ni Mayor Jonas Cortes sa iya’ng mensahe sa pagpaningkamot alang sa kalamboan ug gamiton ang nakat-onan sa pagtungha.
Naglakip sa mga nigradwar ang 39 ka tinun-an sa refrigeration and airconditioning, 28 sa cookery, 23 sa automative mechanic, 28 sa breads and pastry production, 20 sa ISMO, 18 sa cosmetology, 17 sa computer Literacy with basic hardware servicing, 15 sa food and meat processing, siyam sa cellphone repair with basic electronics, siyam sa draperies and curtains-center base, walo sa basic reflexology, 11 sa dressmaking, ug walo sa carpentry with basic masonry, ug uban pa. – /GMR) (BANAT NEWS)