Mga dalan sa Toledo gipangsemento na

CEBU, Philippines – Gisugdan na sa kagamhanan sa dakbayan sa Toledo ang pagpang-semento sa kadalanan sa mga bukirang barangay.

Usa niini ang dalan sa barangay Bulongan paingon sa Media Once nga gibana-bana’ng lima ka kilometros nga gigahinan og P52 milyones.

Gilauman nga mahuman ang mao’ng proyekto sa dili pa matapos kini’ng tuiga.

Gikalipay sa mga residente ang mao’ng kalambuan nga gihatag sa kagamhanan sa dakbayan sa Toledo.

Tinguha ni Mayor John Henry Osmeña nga mapanindot ang kadalanan paingon sa kabukiran sa dakbayan. – /GMR) (BANAT NEWS)