Fish wardens sa Oslob nag-training

CEBU, Philippines - Gipaubos sa deputation training isip mga fish wardens ang 45 ka mananagat sa lungsod sa Oslob sa Provincial Environment and Natural Resources Office (PENRO) sa nilabay’ng semana.

Tumong sa training nga makatabang sila sa pagpatuman sa fisheries law sa ila’ng lungsod ug pagtabang sa Bureau of Fisheries and Aquatic Resources sa pagsulbad sa problema sa illegal fishing sa Sumilon Island.

Ang Sumilon Island naila sa presensiya sa butanding ug diverse marine ecosystem.

Si municipal agriculturist Proceso Bomediano ang nihangyo sa mao’ng training.

Si Konsehal Carlos Luzano, chairman sa committee on agriculture sa konseho sa lungsod, nagkanayun nga sukad niadto’ng tuig 2008, niini’ng tuiga lang napaubos pag-usab sa training ang mga deputized fish wardens sa ila’ng lugar.

Ang training nagsilbi nga refresher sa mga deputized fish wardens sa ila’ng kaalam kabahin sa fisheries law.

Ang aplikante sa pagka-fish warden nga nagpanuigon og 55-anyos pataas dili  pwede sa BFAR apan pwede sila’ng ma-deputized sa ila’ng lungsod.  (BANAT NEWS)