CEBU, Philippines - Gidakop sa mga sakop sa Cebu Environmental Sanitation and Enforcement Team (CESET) ang 14 ka manindahay og sigarilyo duol sa University of San Jose-Recoletos.
Matud sa pangulo sa CESET nga si Grace Luardo nga gituyok sa iya’ng mga sakop ang palibot sa tunghaan diin nasakpan ang mga namaligya og sigarilyo.
Giisyuhan og citation ang mga dinakpan ug gipamulta og tag P2,000.
Atol sa pagpangdakop, adunay tindera nga nitug-an nga mismo magtutudlo ang mamalit ug manigarilyo duol sa tunghaan.
Giawhag ni Luardo ang mga manindahay nga likayan na lang ang pagpamaligya og sigarilyo duol sa dalan aron paglikay sa multa.
Ang Cebu City Ordinance 2241 nga gipasar niadto’ng 2010 kon ang Anti-Smoking Ordinance of the City of Cebu nagdili sa pagpanigarilyo sa mga publiko nga lugar.
Dugang niini ang Republic Act 9211 nga nagdili sa pagtinda og sigarilyo sulod sa 100 metros gikan sa eskwelahan. (BANAT NEWS)