MCIA motabang sa pagpangpurga

CEBU, Philippines - Tabangan sa tagdumala sa Mactan-Cebu International Airport ang Department of Health sa pagpurga sa bitok sa kabataan sa dakbayan sa Lapu-Lapu.

Mokuha una og mga samples sa hugaw sa mga bata sa walo ka barangay sa dakbayan nga nagpalibot sa MCIA karong buwana hangtud sa Septiyembre.

Sa una’ng semana sa Enero himuon ang deworming day sa liboan ka pre-schoolers sa Lapu-Lapu lakip na ang upat ka isla.

Ang memorandum of agreement gipirmahan kagahapon nilang MCIA General Manager Nigel Paul Villarete ug DOH Undersecretary Vicente Belizario Jr.

Pasidaan ni Belizario sa mga ginikanan ug magtutudlo nga pakan-on una ang mga bata sa dili pa ang pagpurga tungod kay dunay side effects sama sa pagpanakit sa tiyan ilabi na kung daghan ang bitok sa tiyan sa usa ka bata. (BANAT NEWS)