Kap mao pa nakasaksi og raid
CEBU, Philippines – Gihangop ni Kapitan Maria Velasquez sa Pulangbato, bukirang barangay sa dakbayan sa Sugbo, ang hiniusa’ng operasyon sa kapolisan batok sa ilegal nga drugas sa ila’ng barangay.
Matud ni Velasquez nga bisan wala nasikop ang subject nga sila si Fernando Borbon, Rodelio Buntoyan ug Bryan Bontuyan, nalipay gihapon siya kay dunay mga tawo nga nadakpan ug nakuhaan og shabu.
Ang Regional Anti-Illegal Drugs Special Operations Task Group-7, Provincial Intelligence Branch, Special Weapons and Tactics ug Regional Public Safety Battalion ang nihimo sa operasyon sa sitio Dita.
Ubay-ubay’ng ginadili’ng drugas ug mga armas ang nakuha sa kapolisan sa panimalay sa mga subjects.
Gibanabana nga mokabat sa P700 mil ang nasakmit nga shabu.
Ang kapitan nibutyag sa Banat News nga una’ng higayun niya nga nakaklaro sa dagway sa drugas ug sa mga kagamitan niini atol sa pagsaksi niya sa gipahigayun nga raid.
Pangindahay ni Velasquez nga masulbad ang problema sa drugas sa iya’ng barangay ug mopatigbabaw ang kalinaw. – /GMR) (BANAT NEWS)
- Latest
