Davide miinspeksyon sa CSBT

CEBU, Philippines - Si Gobernador Hilario Davide III nanawagan sa mga pasahero diha sa Cebu South Bus Terminal (CBST) nga mosunod sa mga pamaagi aron hapsay ang ilang pagsakay.

Si Davide misusi kagahapon sa buntag sa CSBT nagkanayon nga wala siya’y nakitang problema sa giimplimentar karon nga sistema sa terminal diin gilahi ang entrada alang sa manakay sa dagko ug gamay nga bus.

Gilauman nga magkadaghan ang pasahero hinungdan nga ang kagamhanan sa probinsiya sa milabay’ng mga adlaw mihangyo na sa kalungsuran nga mohuwam sa Suroy-Suroy Bus nga gamiton kung magkuwang ang mga commercial buses. Ang Ceres Bus Company misaad kini nga modugang og 40 ka bus.

Si Roman Dumayac, operations manager sa CSBT nagkanayon nga higpit usab ang seguridad nga gipatuman ug dunay mga sakop usab sa Special Reaction Unit ug K9 Units.

Gibana-banang kapin na sa 5,000 ang mga pasahero nga nangabot sa CSBT sayo kagahapon sa kaadlawon. (BANAT NEWS)