CEBU, Philippines - Naghikog patay gamit ang alambre ang lalaki nga nangluod kay giaway sa iya’ng kapuyo sa dalan Magallanes, Pahina Central, dakbayan sa Sugbo pasado alas 4 sa nakalabay nga hapon.
Ang inahan sa nagpakamatay nitug-an nga ang iya’ng anak nga si Rocky Manija, 25, wala’y trabaho, ang iya’ng nabantayan nga naglalis ug ang kapuyo.
Matud pa nga hilumon si Manija ug wala motug-an kung unsa ang gilalisan.
Niadto’ng nakalabay nga hapon nisulod sa kuwarto si Manija ug nanirado apan human sa pipila ka minutos diha’ng gisangpit ug wala nitubag, gipugos pag-abli ang pultahan ug mao’y nakit-an nga nagbitay na si Manija.
Ang rescue team sa dakbayan sa Sugbo nisuway pa unta sa pagtabang apan patay na nga ila’ng naabtan sa ila’ng panimalay. (BANAT NEWS)