Yolanda rehab may pundo pa sa 2016

CEBU, Philippines - Gibutyag ni Budget Secretary Florencio “Butch” Abad nga P90 bilyones ang pundo sa kagamhanan karong tuiga alang sa Yolanda rehabilitation program sa mga apektado’ng lugar.

Niadto’ng 2014 nakapagawas na ang Department of Budget and Management og kapin sa P50 bilyones alang sa programa samtang dugangan pa og P36 bilyones sunod tuig.

Nasayran nga ang mga mayor nga apektado sa Yolanda nireklamo tungod sa kalangay sa paghatag sa pundo alang sa rehabilitasyon sama sa amihanang bahin sa Sugbo.

Matud ni Abad nga ang problema mao ang kalangay sa pag-aprobar sa pundo. Dungan sa emergency shelter assistance mao ang resettlement areas nga giatiman sa National Housing Authority. (BANAT NEWS)