Taxi meters ipa-calibrate
CEBU, Philippines – Nunot sa kalibog ug kagubot tali sa mga drayber sa taksi ug pasahero dihang gipatuman ang fare reduction nga P10 gikan sa P40 nga flagdown rate, ang Hunta Probinsiyal misugyot sa Land Transportation Franchising and Regulatory Board (LTFRB) -7 sa recalibration sa mga metrohan sa taxi.
Buot ni Bokal Arleigh Sitoy nga awtomatikong mo-reflect ang P10 nga kunhod sa flagdown rate aron malikayan ang kalibog ug bangi tali sa mga pasahero ug drayber.
Si Bokal Arleigh Sitoy miduso sa sugyot niadtong Marso 6, 2015 sa LTFRB tungod kay dunay mga drayber wala motuman sa nahisgutang kamanduan.
Niining ulahi lang dunay nahitabong insidente nga giingong ang drayber mition og kutsilyo sa iyang pasahero tungod kay dili kini mosugot nga pakunhoran og P10 ang iyang flagdown rate.
Ang LTFRB miklaro nga wala na magkinahanglan og dokumento sa pagpatuman sa kamanduan. – /EIM) (BANAT NEWS)
- Latest
