CEBU, Philippines – Patay ang usa ka lalaki human gipusil sa wala mailhing tawo diha sa Barangay Danglag, Consolacion kagahapong adlawa.
Ang biktima giila nga si Randy Entaligando Lacio, 33-anyos ug residente sa maong dapit.
Matud pa ni Senior Police Officer 3 Renerio Patillas nag-estambay ang biktima gawas sa ilang balay nianang tungora dihang kalit lamang nga miabot ang usa ka wala mailhi nga lalaki ug gipusil ang biktima.
Nakuha sa lugar sa panghitabo ang dose ka mga basiyo sa bala sa kalibre .45 ug usa ka slug. Samtang daling niikyas ang mamumuno human sa krimen.
Padayon karon ang kapolisan pag-imbestigar sa maong panghitabo aron sa pagsusi sa suspek ug sa motibo niini. – /EIM) (BANAT NEWS)