CEBU, Philippines - Gi-holdup ang usa ka sales agent sa Generic Drugs kauban ang iya’ng drayber sa duha ka wala mailhi’ng lalaki nga sakay sa motorsiklo sa Magsaysay Hills, Poblacion, Toledo City.
Ang mga biktima giila nga sila si Reneboy Catamco Sinadjan, 29, ulitawo nga taga Halapitan, San Fernando, Bukidnon ug drayber nga kauban nga si Riel Jun Harap Cabaluna, 22, ulitawo nga taga Malanang, Opol, Misamis Oriental ug ang duha kasamtangan nga nagpuyo sa Happy Valley, V. Rama, Cebu City.
Matud pa nga nag-parking ang Isuzu delivery van sa mga biktima diha’ng kalit niabot ang duha ka lalaki nga sakay sa usa ka motorsiklo nga nagsuot og itom nga jacket, helmet ug nagmaskara ug ang back rider ang nition og caliber .45.
Nakuha ang sling bag nga dala ni Sinadjan nga may sulod sa mokabat sa P50 mil ug unom ka tseke nga mokabat sa P40 nga gibayad sa nagkalainlaing pharmacies.
Dali’ng nisibat ang mga tulisan sakay sa motorsiklo. (Julie Ann Dominguez, NSU Intern/GMR)(BANAT NEWS)