Taga Coop nasaypang Alimaong

CEBU, Philippines - Gitataw ni Teresita Tudtud ug Laurencia Linao nga wala’y ilad nga nahitabo niadto’ng Sabado sa sitio Graje, Guadalupe, dakbayan sa Carcar diha’ng gidala sila sa buhatan sa kapolisan.

Ang duha nitataw nga nipahigayun sila og orientation kabahin sa Our Lady of Triumph for Indigenous People Consumers Cooperative alang sa mga lumad. Gikataho nga 48 ka tawo sa maong lugar ang nireklamo nga giilad sila sa duha ka sakop nga nagpaila’ng sakop sa Supreme Council of Datus Alimaong (The Holy Warriors).

 Apan gitataw sab ni Tudtud ug ni Linao nga wala sila magdala sa ngalan sa ilang organisasyon niadto’ng higayuna kun dili ang ila’ng kooperatiba.

Ang maong kooperatiba matud pa nila motabang sa mga indigenous people apan wala sila namugos pagpaapil sa mga tawo  sanglit boluntaryo ang pagpa-miyembro. Dugang pa nila nga boluntaryo sila nga nikuyog sa kapolisan diha’ng giimbitar sila sa presinto human sa gipahigayun nga orientation.  (BANAT NEWS)