PB nanawagan ESA ipahatag na
CEBU, Philippines – Nanawagan ang hunta probinsiyal sa Department of Social Welfare and Development ug sa mga lokal nga kagamhanan nga hingtungdan sa pagpanghatag na sa emergency shelter assistance (ESA) alang sa mga beneficiaries niini.
Giaprobahan sa hunta probinsiyal ang resolusyon nga giduso ni Bokal Joven Mondigo, Jr. ug Sun Shimura kabahin sa maong panawagan.
Matud sa mga opisyal nga kapin sa usa ka tuig ang nakalabay human sa bagyo’ng Yolanda. Apan ang mga apektado’ng residente nireklamo na tungod kay hangtud karon wala pa nila madawat ang nahisgutang hinabang.
Dugang sa mga opisyal nga dunay subayon nga lagda ug mga rekisitos sa pagpanghatag apan nilapas na sa gikatakda’ng panahon ang paghatag sa ESA ngadto sa mga beneficiaries. – /GMR) (BANAT NEWS)
- Latest
