Maestro nga nimolestiya sa atleta gikasohan

CEBU, Philippines – Gipasakaan na’g kaso sa piskalya ang maestro nga gipasanginlang mimolestiya sa usa ka tinun-an nga grade 6 nga misalmot sa Central Visayas Regional Athletics Association (CVIRAA).

Ang Asturias police mipasaka og kasong child abuse o violation of Republic Act 7610 ngadto sa 27-anyos nga maestro nga magtutudlo sa Talisay City Central School.

Ang maong pasangil kay usa ka regular filing ug ipaubos kini og preliminary investigation diin i-subpoena ang maestro aron pasumitihon og counter-affidavit  bahin sa pasangil kaniya.

Ang insidente nahitabo niadtong Pebrero 26 sa gabii sa likod sa tunghaan sa Asturias diin sila temporaryong nag- estar. Ang biktima usa ka 11-anyos nga taga Dumlog, Talisay City.

Petsa 28 na mitug-an ang bata sa iyang coach nga maestra hinungdan nga midangop sila sa kapolisan. – /EIM) (BANAT NEWS)