Hotel worker gipatay
CEBU, Philippines — Wa nay kinabuhi pag-abot sa tambalanan ang usa ka trabahante sa hotel nga gipusil sa wala mailhing mga tawo diha sa Sitio San Antonio de Padua sa Barangay Inayawan sa dakbayan sa Sugbo.
Ang namatay naila nga si Junard Vizcayno, 34, nagpuyo sa maong lugar, wa pa matumbok kun kinsa ang mga mamumuno sa biktima.
Base sa imbestigasyon sa kapolisan, naglakaw sa maong dapit ang biktima dihang gipusil sa makadaghang higayon sa wa mailhing mamumuno.
Ang igsuon sa biktima nga si Jeffrey miingon nga may tawag siya nga nadawat gikan sa wala mailhing tawo nga nagpahibawo kaniya nga napusilan ang iyang igsuon sa maong dapit.
Sa iyang pag-adto sa lugar , nakit-an niya ang igsuon nga nagkadugo ug dali nilang gidala sa Cebu City Medical Center apan patay na kini. Wa pa mahibaw-i sa kapolisan kun unsay motibo sa pagpamusil. (BANAT NEWS)
- Latest
