CEBU, Philippines – Gihugtan ang seguridad sa dakbayan sa Toledo ug lungsod sa Balamban nunot sa pagpangabot na sa mga delegado sa Central Visayas Regional Athletic Association (CVIRAA) 2015 Meet nga ipahigayun sa maong lungsod.
Adunay mga sakop sa Toledo City Police Station ug Special Weapon and Tactics (SWAT) Team nga naglibot sa mga tunghaan diin namuyo ang mga delegado.
Pipila ka mga delegado ang mo-istar sa mga tunghaan sa dakbayan sa Toledo.
Gilauman nga karong adlawa moabot ang ubang mga delegado alang sa maong tinuig nga kalihukan sa mga tinun-an.
Ang CVIRAA Meet 2015 usa ka semana nga kalihukan nga magsugod sa Pebrero 26 hangtud Marso 2, 2015. – /GMR) (BANAT NEWS)