Traffic authority ipapadayun
CEBU, Philippines – Gisugyot ni Bokal Arleigh Sitoy ngadto kang Kong. Raul Del Mar ang pag-revive sa Metro Cebu Traffic Authority alang sa kasulbaran sa kahuot sa trapiko.
Matud ni Sitoy nga ang kahuot sa trapiko maoy usa sa daku'ng frustration sa mga Sugboanon ilabi na sa mga motorista.
Mga abusado'ng drayber nga dili mosubay sa simple'ng balaud sa trapiko ang usa sa gitumbok nga nakatampo sa kahuot sa trapiko sa kadalanan.
Gipasabot ni Sitoy nga nagkinahanglan nga adunay disiplina nga ma-implementar ug dunay mag-monitor sa kondisyon sa kadalanan ilabi na sa dagan sa trapiko lakip na sa garbage disposal, pollution, drug abuse, urban planning ug uban pa.
Ang nahisgutang mga problema nakababag sa kauswagan sa ekonomiya tungod kay wala'y mga investors nga ganahan mo-invest sa lugar.
Matud ni Sitoy nga gawas sa Land Transportation Office (LTO) ug Land Transportation Franchising and Regulatory Board (LTFRB), nagkinahanglan og dugang ahensiya nga mag-focus sa pagsulbad sa problema.
Si Del Mar niduso sa House Bill No. 372 sa pagtukod sa Metro Cebu Traffic Authority.
Si Sitoy nagtuo nga ang maong balaudnon makatabang sa pagsulbad sa problema. – /GMR) (BANAT NEWS)
- Latest
