Construction workers nga pushers nadakpan

CEBU, Philippines – Duha ka construction workers nadakpan sa buy-bust operation nga gilusad sa kapolisan sa dakbayan sa Mandaue human sa report nga sila maoy tigbaligya og shabu sa mga kaubang trabahante nga mag-overtime.

Ang operasyon gihimo diha sa Sitio Marfa, Barangay Bakilid, Dakbayan sa Mandaue.

Si Police Officer 2 Uneversito Dumao sa Presinto 4 sa Mandaue City Police Office (MCPO) miila sa ilang nadakpan nga   sila si Christian  Paul Dagalea, 23 ug Dennis Damayo Bello, 24, pulos taga Leyte ug nagtrabaho isip construction worker sa maong dapit. Matud pa ni Dumao nga ang ilang hepe nga si Senior Inspector Hugo Rio Uy Ipong maoy nangulo sa buy-bust operation human nagpositibo ang impormasyon batok sa duha. Nasayran nga mga kaubang construction workers sa duha ang ilang kustomer  aron dili magduka panahon sa ilang pagtrabaho.

Nakuha gikan sa duha ang duha ka paketeng shabu ug paraphernalia.

Ang duha gibalhog na karon sa sulod sa ilang detention cell ug kasong kalapasan sa Republic Act 9165 o Dangerous Drugs Act of 2002. – /EIM) (BANAT NEWS)