Internetan sa Toledo i-regulate

CEBU, Philippines - Gihingusgan sa kagamhanan sa dakbayan sa Toledo ang pag-regulate sa mga internet cafe ug computer shop.

Si Konsehal Marjorie Perales niduso og ordinansahon sa pag-monitor ug pag-kontrolar sa mga internet cafe ilabi na duol sa mga tunghaan.

Kini aron dili magtambay ang mga estudyante sa mga computer shops panahon sa tingklase.

Tumong ni Perales nga dili maapektuhan ang pagtuon sa mga bata nga magyampungad ug magsige na lang og duwa sa mga computer gaming stations.

Daghan na’ng mga computer shops ang nag-operate sa siyudad ilabi na ang mga hulog-hulog og piso hinungdan nga ila kini’ng sutaon kun kompleto ba ang permit. (BANAT NEWS)