CEBU, Philippines - Nibahad si Cebu City Mayor Michael Rama nga i-impound ang sakyanan sa mga dili accredited nga septic haulers nga mokolekta og basura.
Ang konseho nakadawat og reklamo batok sa Paglaum Basurero 20/20 nga giingo’ng nangulekta og P400 matag adlaw kun P12,000 matag buwan sa mga establesemento ug eskwelahan bisan wala’y accreditation sa siyudad.
Matud ni Rama nga kinahanglan i-regulate ang mga desludgers sa siyudad subay sa ordinansa sa Septage Management Program.
Nunot niini, ang City Septic Management Board nipasar og resolusyon pag-set og accreditation requirements sa tanang private septic haulers ug desludgers.
Pinaagi sa pag-regulate sa mga haulers, ilang tinguha nga moubos og 25 porsiyento ang garbage collection.
Ang per cubic meter nga makolekta’ng basura nagkantidad og P250, matud ni Atty. Janesis Ponce, chairman sa CCSMB. (Kristine B. Quintas/GMR)(BANAT NEWS)