31 patay sa Taiwan plane crash
CEBU, Philippines - Misaka na ngadto sa 31 ka mga tawo ang kompirmadong namatay, 12 pa ang na-missing ug 15 ka tawo ang nakalingkawas sa makalilisang nga pagkahagsa sa usa ka passenger plane sa nasud sa Taiwan. Ang TransAsia Flight GE235, nagdala og 58 pasahero ug crew dihang nakuhaan kini og dashboard video sa usa ka sakyanan nga daw misuot-suot sa mga buildings una pa nahagsa sa suba duol sa usa ka taytayan. Ang maong abyon bag-ohay lang milupad gikan sa Songshan Airport sa Taipei dihang kalit kining nahagsa.
Sumala pa sa mga opisyal sa Taiwan, dili sila mohunong hangtud nga dili nila makita ang 12 pa ka mga missing.
"We have not found survivors or bodies of the 12 missing, but we will not give up. We'll continue to search," matud pa ni Yeh Chun-hsing sa Taipei Fire Department.
Ang Taiwanese Civil Aeronautics Administration (CAA) miingon nga ang 16 sa mga nakalas kauban sa 31 Chinese tourists nga gikan sa Xiamen City. Tulo pa lamang kanila ang naka-survive. Samtang patay usab ang pilot ug co-pilot sa maong bag-o pa kaayong turboprop ATR 72-600. (BANAT NEWS)
- Latest
