CEBU, Philippines - Giuswag na usab ang petsa sa eleksiyon sa Sangguniang Kabataan niining tuiga aron mahatagan og kahigayonan ang presidente sa nasud sa pagpirma sa balaod nga giumol sa Senado sa pag-postpone sa SK Elections sa sunod tuig.
Si Atty. Ferdinand Gujilde, Provincial Comelec Officer mibutyag nga giuswag ngadto sa Abril 25, 2015 ang SK Elections base sa nakab-ot nga desisyon sa Comelec en Banc sa ilang tigom kagahapon.
Giuswag usab ang election period gikan sa Marso 26, 2015 ngadto sa Mayo 10, 2015 ug ang election day giuswag ngadto sa Abril 25, 2015 ug nianing mga adlaw ipatuman usab ang gun ban. (BANAT NEWS)