Gipusil sa amigo patay

CEBU, Philippines - Patay ang 39-anyos nga lalaki human pusila sa higala sa sitio Imaculada, barangay Nangka, Balamban niadto’ng nakalabay nga hapon.

Ang biktima naila nga si Pedro Serenio, nagpuyo sa maong lugar samtang suspek sa krimen mao si Roldan Piloto, hingkod ug silingan sa biktima.

Sa imbestigsyon sa Balamban Police nasayran nga sa wala pa nahitabo ang pagpamusil, nag-estoryahanay pa ang duha sa lugar hangtud nga nagkalalis.

Kalit nikuha og armas ang suspek dayun pusil sa biktima igo sa nagkadaiyang bahin sa lawas ug dali nga nisibat ang suspek sakay sa usa ka motorsiklo.

Gidala sa Balamban District Hospital ang biktima apan gideklarar nga dead on arrival. (BANAT NEWS)