CEBU, Philippines - Nanghatag og ambulansiya ang kagamhanan sa lalawigan sa Sugbo nga magamit atol sa emerhensiya.
Niining ulahi ang dakbayan sa Toledo nakadawat og Nissan ambulance ug unom ka unit sa mini-ambulance ngadto sa duha ka barangay sa Pinamungajan nga mao ang Lamac ug Camugao, lungsod sa Cordova, barangay Kawasan sa lungsod sa Aloguinsan, barangay Awihao sa dakbayan sa Toledo ug lungsod sa Badian.
Gawas sa mga ambulansiya duha ka multicab ang gihatag ngadto sa barangay Garing sa lungsod sa Consolacion ug Ibabao sa lungsod sa Sogod.
Si Gob. Hilario Davide III nanghinaut nga ampingan sa beneficiaries ang mga sakyanan nga gihatag sa probinsiya. Nikabat sa P2,926,000 ang kinatibuk-ang kantidad sa nahisgutang mga sakyanan. (BANAT NEWS)