Bag-ong dalan ablihan sa Toledo
CEBU, Philippines - Nagtinguha ang kagamhanan sa dakbayan sa Toledo nga mag-abli og alternatibo’ng dalan aron kaminusan ang huot sa trapiko sa barangay Sangi.
Matud ni Ilihan barangay kapitan Emperatriz Bantilan nga ang maong dalan gikan sa barangay Dumlog agi sa Ilihan paingon na sa national road sa dakbayan sa Sugbo.
Nasayran nga gikan sa alas 6 ngadto sa alas 8 sa buntag maghuot ang mga sakyanan sa may intersection nga bahin sa barangay Sangi nga maoy agian paingon sa lungsod sa Balamban.
Dugang ni Bantilan nga gikan sa sitio Hardin sa Ilihan lusot ang bag-ong national road diin aduna nay P11 milyones nga gigahin ang kagamhanan.
Kini usab ang nakita nga solusyon ni Toledo City Mayor John Henry Osmeña aron kaminusan ang huot sa trapiko sa siyudad.
Gihuwat na lang nga mahuman ang mga papeles ug makakuha og clearance sa luna gikan sa mga tag-iya nga maigo sa access road project. (Raymond Abarcas/GMR)(BANAT NEWS)
- Latest
