Ex-VM sa sogod nikiha sa polis
CEBU, Philippines - Gikiha na sa kanhi bise mayor sa lungsod sa Sogod, Dean Severo Dosado, ang polis nga giingong nanuok kaniya sulod sa Fuente Police Station.
Si Dosado niadtong Nobiyembre 16, 2014 nagpa-blotter unta sa kasong attempted arson, theft, ug grave threats batok sa usa ka Johnson Clark Gayrozaga apan giingong nasuko si SPO2 Philip Plasus.
Matud ni Dosado nga human niya og fill-up sa information data, gipugos siya pagbira ug gituok ni Plasus sa investigation room ngadto sa detention cell bisan sa iyang hangyo nga huwaton ang iyang abogado. Si Gayrozaga gipa-fill up sab ni Plasus og complaint form sa kaso’ng malicious mischief batok ni Dosado.
Gidakop si Gayrozaga ni Dosado pinasubay sa citizen’s arrest human giingong gisuwayan og sunog ang balay sa usa ka Cheryl Labay sa taga Private, Cebu City, human ang duha nag-away.
Si Labay dali nga nangayo og tabang sa Mobile Patrol Group. Sa pag-abot sa kapolisan dali nga nangita ni Gayrozaga apan wala nigawas sa kwarto hinungdan nga ni volunteer si Dosado nga motabang.
Matud ni Dosado nga iyang gituktok pag-ayo ang kwarto ni Gayrozaga hinungdan nga nigawas ug giyab-an og tubig.
Gidala sa kapolisan si Gayrozaga sa police station. Didto sa police station, matud ni Dosado giingnan siya ni Plasus nga ibalik sa barangay aron adto husayon.
Human og fill-up sa complaint form, si Dosado gisulod sa detention cell pinasikad sa reklamo ni Gayrozaga. (Mylen P. Manto/GMR)(BANAT NEWS)
- Latest
