CEBU, Philippines - Napisat ang ulo sa 9-anyos nga batang lalaki nga naligsan sa trak sa basura sa Ibabao-Estancia, dakbayan sa Mandaue alas 10 pasado ang takna kagahapon sa buntag dihang padulong kini sa paglabay og basura sa dumpsite sa barangay Umapad.
Si PO3 Melvin Lliones, field investigator sa traffic division sa Mandaue City Police Office (MCPO), niila sa biktima nga si James Paul Rabor, taga sitio Tambis, barangay Umapad, sa maong dakbayan.
Matud ni Lliones nga ang trak sa basura sa Ibabao-Estancia gimaneho ni Rolando Maning paingon na sulod sa dumping area ug gisugat sa biktima kinsa nikabyon sa dump truck. Sa pagtikang sa biktima, natabinas ang tiil hinungdan sa pagkatagak ug naligsan ang ulo sa ligid. (Romeo T. Limpangog/GMR)(BANAT NEWS)